Encyclopedie
Nicole Seiler
Kann aus Danz e Spill mat de Wierder ginn?
Bei Encyclopedie. geschitt genee dat. Op der Bün stinn zwou Kënschtlerinnen: Déi eng danzt an déi aner erzielt, wat se gesäit. Mee heiansdo gi Wierder net duer, fir e Mouvement ze beschreiwen – also erfannen se eppes, verdréinen de Sënn, iwwerdreiwen oder verieren sech reegelrecht. Lues a lues entsteet esou e lëschtegen an iwwerraschenden Decalage tëscht deem, wat een erbléckt an deem, wat een héiert.
Nodeems d‘Nicole Seiler 2021 Amateurdänzer:innen invitéiert huet, hirer Passioun an de Fënstere vu Mamer Wunnenge fräie Laf ze loossen, huet si 2024 e Spektakel kreéiert, an
.
deem eng kënschtlech Intelligenz dem William Cardoso an der Anne-Mareike Hess eng choreografesch Partitur diktéiert huet. Elo kënnt déi Schwäizer Artistin mat engem
neien, eenzegaartege Konzept zeréck an de Kinneksbond: Zesumme mam Anne-Mareike Hess a Simone Mousset bréngt si eng lieweg Encyclopedie, an där all Beweegung 1001 Geschichten erziele kann, a Lëtzebuerger Sprooch op d‘Bün. En originelle Wee fir et Kleng a Grouss ze erméiglechen, eng ganz einfach Fro op eng spilleresch Aart a Weis ze beäntwerten: Firwat kann dat selwecht Stéck ënnerschiddlech beweegen, ameséieren, erstaunen oder faszinéieren?
