Schreif, wéi de Schniewel gewuess ass
kreativer Schreibworkshop
E Schreifatelier op Lëtzebuergesch mam Manon Della Siega am Kader vum Dag vun der Lëtzebuerger Sprooch:
.
Wierder kënnen danzen, Ausdréck kënnen iwwerraschen, an heiansdo verstoppt sech hannert engem klenge Saz eng ganz Geschicht.
D’Lëtzebuerger Sprooch ass e klenge Schatz voll mat drolegen Iddien, faarwege Biller a witzegen Ausdréck.
An dësem Atelier sammele mir Wierder wéi kleng Schätz, dréinen se op de Kapp, ginn hinnen nei Flilleken a loossen eis vun hinnen inspiréieren. Hei dierf mat de Wierder gespillt, gelaacht, jongléiert a virun allem geschriwwe ginn – fräi, kreativ a mat vill Freed.
Komm mat op eng Rees duerch déi faarweg Welt vun de lëtzebuergesche Wierder an Ausdréck.
A schreif… wéi de Schniewel gewuess ass.
D'Plaze si limitéiert, gratis Entrée op Reservatioun:
.
- 51 61 21 250
- bibliotheque@dudelange.lu
