Tuffi-Junior Atelier (4-6)
Haut gëtt gebotzt a geraumt! Yuppi...
Wie vun iech botzt da gären? Keen?! Wien hält dann äert Doheem ëmmer propper? Wéi ass et iwwerhaapt bei den Déieren, botzen déi bei sech doheem?
Mir erzielen iech d'Geschicht vun zwee Personnagen aus zwou Geschichten déi immens gäre botzen. Kléngt langweileg? Loosst iech iwwerrasche wat beim Botzen alles ka geschéien.
Duerno bastele mir natierlech eppes. An zwar ee ganz bestëmmten Déier, probéiert emol ze rode wéi eent: Dëst Déier huet säin Numm kritt well et säin Iessen am Léifsten ëmmer eng Kéier an d’Waasser zappt éier et et ësst. Dat gesäit dann esou aus ewéi wann et säin Iessen als éischt géing wäschen...
Mellt iech un a kommt laanscht fir déi richteg Äntwert.
.
Alter : 4 bis 6 Joer
Reservéierung obligatoresch.
.
tuffi@vdl.lu / www.citybiblio.lu
