Vandalium

Veranstaltungsort:

Aalt Stadhaus

Salle de spectacle

Den Jason wiisst en engem schwieregen Ëmfeld op – de Papp ass Alkoholiker, d’Mamm an d’Schwëster sinn net do -, a kee kritt mat, wat mam Jong lass ass, oder dass hie reegelméisseg vun doheem fortleeft. Aleng gelooss a frustréiert, gëtt Gewalt säin eenzegen Auswee.

Dës Geschicht vun engem Liewen um Bord vun der Gesellschaft gëtt déif Ablécker an d’Ënnerbewosstsi vum Protagonist: Säin Alter Ego an déi blo Fee ginn hei zu senge Gespréichspartner, déi versichen, sengem Liewen ee Sënn ze ginn. Mee kënnen dës Ofwiermechanismen hie wierklech viru sengem toxeschen Ëmfeld beschützen?

Den Tullio Forgiarini ass Auteur, Dramaturg a Léierkraaft fir verhalensopfälleg Kanner. All dës Kompetenzen huet hien a sengem neie Buch nees vereent, a grad wéi scho bei sengem Wierk „Amok“ (2013 mam European Union Prize for Literature ausgezeechent) e beweegende Portrait vun engem Mënsch gezeechent, deen all Halt verluer huet a mam graffe Sproochgebrauch méi wéi eng Kéier schockéiert.

Den Tullio Forgiarini schreift op verschiddene Sproochen, ma virun allem op Franséisch. Bis elo huet hie bei den éditions guy binsfeld „Amok“ (2011), „Lizardqueen“ (2016) a „Vandalium“ (2025) verëffentlecht. „Amok“ gouf 2015 vum Donato Rotunnos ënnert dem Titel Baby(a)lone verfilmt a „Lizardqueen“ wäert elo vum Jacques Molitor verfilmt ginn.

Musikalesch Begleedung: Pol Belardi

Zousätzlech Informatiounen

•  - Reservatioun: Reservéiert Är Plazen iwwer E-Mail op bibliotheque@differdange.lu oder iwwer Telefon op der Nummer 58 77 1-1920.
•  - Organisatioun: Bibliothèque municipale Differdange