Perl oder Pica
Verfilmung vum Jhemp Hoscheit sengem Roman mam selwechten Titel
Lieu de l'événement: Aalt Stadhaus - Salle de spectacle
Lëtzebuerg 1962. Den 2. Weltkrich ass nach net ganz vergiess, d’Russen an d’Amerikaner leie sech an den Hoer. Den 12 Joer alen Norbi wëllt wëssen, wat e Gielemännchen ass an intresséiert sech fir d’Geheimnisser vun der Sexualitéit. Virun allem awer géif hie gäre wëssen, wat dee „P“ bedeit, deen en a sengem Papp sengem Agenda fonnt huet. Kee gëtt him Äntwerten op seng Froen an esou muss den Norbi selwer erausfannen, wat et mat all deene Saachen op sech huet.
Dem Jhemp Hoscheit säi Roman „Perl oder Pica“ gouf 1998 fir d’éischt bei den Editions Schortgen publizéiert a krut 1999 de Servais-Präis. Déi aacht Oplo vum Buch gouf et 2022. De Roman gouf 2005 vum Pol Cruchten (1963-2019) no engem Dréibuch vum Viviane Thill verfilmt. (2007 Prix du Public beim 3. Lëtzebuerger Filmpräis.)
Nom Film erzielt de Jhemp Hoscheit e wéineg driwwer, wéi et vum Buch zum Film koum. Dëse Prozess huet hien och schrëftlech festgehalen an enger Chronik, déi de Centre culturel vun Déifferdeng am Joer 2009 als éischt Nummer vu senger Serie Galerie.dok erausbruecht huet.
Organiséiert vum Centre culturel Differdange an Aalt Stadhaus
Besetzung: Ben Hoscheit, André Jung, Nicole Max, Anouk Wagener, Luc Feit, Myriam Muller, Thierry van Werveke
Regie: Pol Cruchten
Dréibuch: Viviane Thill
Kamera: Jerzy Palacz
Dekor: Manu Demoulling
Montage: Thomas Woschitz
Musek: Angélique a Jean-Claude Nachon
Produktioun: Red Lion an Amour Foui
Genre: Drama
Dauer: 90 Minutten
Sprooch: Lëtzebuergesch
Informations sur les prix
